落單前，大家最常問嘅問題

揀盒款、輸入長闊高、揀紙材、印刷同加工，頁面即刻顯示每個數量級嘅參考單價。我哋核對規格後嘅正式報價會確認同一個價; 特殊尺寸、內托或特別加工先會有調整。

單價未計運費，方便你同其他報價直接比較。揀好數量，香港區一次送貨嘅運費會另外列出，並已計入總價。送香港以外地區可以另行報價。

硬盒係用灰板裱印刷紙，半機器半人手做出嚟，每件嘅物料同工序都多好多。摺盒就係一張印刷卡紙啤切黏合，平壓交貨。高級禮盒揀硬盒，零售同日常包裝揀摺盒。

可以，有三種方法: 比較紙材樣辦、預約到北角辦公室睇參考樣辦，或者按你嘅盒款同尺寸製作付費白樣。白樣約需 3 至 7 天，印刷彩色樣辦約 7 至 10 天。

樣板費按盒型計，例如彩色飛機盒樣板為 HK$300。訂購滿 500 件即豁免，新客首張訂單亦免收樣板費。

圖稿確認後，摺盒約 10 至 12 天; 飛機盒、硬盒同印刷紙袋約 12 至 14 天。淨色紙袋、雪梨紙、蜂巢紙等現貨數日內出貨。香港區送貨另加 1 至 2 個工作日。

除硬盒外，紙盒都係平壓交貨，慳位又易摺。細量訂單用速遞，大量用物流車，可送到香港任何地址。細量訂單亦可安排到北角辦公室自取。

可以。香港以外地區按目的地同貨物體積另行報價，由合作物流商處理清關同送到門。查詢報價時話我哋知送去邊度就得。

可印刷嘅 AI 或 PDF 檔，CMYK 色彩模式，圖片 300 dpi，文字轉曲，預留 3 mm 出血位。生產前我哋會逐份檢查，有問題會話你知。

會。尺寸同盒款確認後，我哋會免費提供該款盒嘅刀模線檔案。將設計放上去就得，唔好移動啤線同摺線。

每次報價我哋都會就結構、紙材同印刷俾建議，亦可以另外報價安排設計。好多新品牌由牛皮紙印單色 Logo 開始，唔需要完整設計。

香港人講嘅飛機盒係一體成形、翻蓋插耳嘅盒。我哋有兩款: 瓦楞板嘅彩色飛機盒，適合寄運同電商; 卡紙飛機盒，適合零售同禮品內盒。要寄運揀瓦楞，要靚同慳成本揀卡紙。

飛機盒用 E 楞瓦楞板配啞面或有紋白咭面紙，或者牛皮紙。摺盒用白咭，硬盒用灰板裱印刷紙。加工有燙金、燙銀、擊凹凸、局部 UV 同內面印刷，亦可按要求選用 FSC 認證紙材。

可以，每款盒都按你嘅尺寸製作，範圍見產品頁，100 件起。特別尺寸、承重或內托會先確認刀模線同結構再報價。

銀行轉帳、轉數快或信用卡。款項確認後先安排生產，所以入數後請 WhatsApp 入數紙俾我哋，避免延誤。因為每張訂單都係訂製，唔設貨到付款。

收貨後 7 日內連相片通知我哋。生產瑕疵會重印或退款。因為全部都係訂製印刷，改變主意或已確認圖稿上嘅錯誤就無法退換。

BM Pack Limited，又叫包網，係 2020 年成立嘅香港包裝訂製公司。辦公室喺北角，生產由自家廠房負責，由紙材到加工都自己把關。我哋服務新品牌同成長中品牌，100 件起訂，網站即時報價。

WhatsApp +852 9848 2227 最快，星期一至五辦公時間內真人回覆。亦可電郵 hello@bmpack.com，或預約到北角渣華道 128 號渣華商業中心辦公室。